आयुष्याची गणिते

कुठून चुकली बेरीज माझी ,

कुठून चुकली वजा ,

आयुष्याची गणिते चुकली झाली बुध्यांकाची होळी ,

मिटले सारे होते नव्हते एका अनोळख्या वेळी. //धृ //

पायां खालची जमीन हरली ,

डोक्यावरचे  आभाळ ,

खंबीर पनाची भिंत ढळली ,

उरले बिन खोडाचे झाड . // १ //

किंमत इतकी खचून पडली ,

गुणधर्माची नासडी झाली 

कर्तुत्वाच्या झाल्या चिंद्या , 

इज्जतीचा बाजार . // २ //

तपतपत्या रानात पडलो ,

झोके त्यावर लाल ,

प्रतिबिंबाला गाठू बघतो ,

करून एकसारखे वार// ३ //

जगात नखरे लाखो आले ,

लाखोसाठी लाखो झाले ,

लहानांसाठी मोठे झाले ,

मोठ्यांसाठी  त्याहून मोठे,

मला नशिबी चुकून गुन्तिले ,

सुबाबळीचे  काटे // ४ //

सूर्याशी ना गाठ पडो एवढे एक उपकार ,

अमावास्येला विनंती राही ठेव कृपा अपरंपार ,

 विश्वासाचा घात ना हो ,

पुन्हा एक हा भास ना हो ,

क्षणात सारे विसरून जाईल ,

बाकी तेवेढे सोबत ठेवील ,

काळाची या सोय कर ,

परकाळाची मी करीन .// ५ //

कुठून चुकली बेरीज माझी ,

कुठून चुकली वजा ,

आयुष्याची गणिते चुकली झाली बुध्यांकाची होळी ,

मिटले सारे होते नव्हते एका अनोळख्या वेळी. //धृ //