उगवत्या सूर्याची सुंदर वाट

जुन्या घराची जुनी चौकट ,

पांढर्या घराची हिरवी रौनक ,

कवेलुच्या घराला लहानसा गौरव ,

त्याला सावरती माझी आजी .

 

स्वयंपाक घराच्या ओंजलीची सुरवात,

 शेन सारावनाच्या उभ्या सुखात,

पांढर्या चुन्याची कोरती लाट,

उगवत्या सूर्याची ती सुंदर वाट .

स्वभोवतालच्या रानात ते सुंदर गाण ,

कमळाच्या पानावर उदका सारखा छान ,

घरासमोर असलेली तीन मजला पाढरी कुंडी ,

त्यामध्ये डुलणारी लक्ष्मिचि तुळशी .

डाव्याबाजूचे उमराचे झाड ,

त्या सोबत असलेले कांता काकुंचे कुंपण ,

दुसर्या दरवाज्याच्या बाजूला असलेली ,

अर्धी जमिनीत दुबकलेली पांढरी नांद ,

आणि त्यात पाणी भरतांना माझी आजी.

नेहमी कुरकुर करणाऱ्या चांदुरकर काकू ,

नेहमी धाक दाखविणाऱ्या पण खेळायला देणाऱ्या  ,

खायला गुळाचे लाडू आणि उगाच एकामध्ये हिंग टाकणाऱ्या  ,

कोपर्यात लावलेली सहा विटांची चूल ,

वांगी भाजणारी माझी आजी .

समोरच्या खोलीचा वरांडा ,

देई सर्वाना सुखवडा ,

मधल्या  खोलीत  बांधलेला आणि पिढ्या न पिढ्या झोका देणारा पाळणा ,

झोका देणारी माझी आजी ,

चार रुपयां पेक्षा चार वर्गाला महत्व देणारी ,

आज पेक्षा उद्याचा आणि ,

उद्या पेक्षा पर्वाचा विचार करणारी माझी आजी . . . . . . . .